India Nih Fawi Deuhin Hman Khawhnak Ding Drone Policy Thar A Ser

India cozah ministry of Civil Aviation (MoCA) nih khaltu umlo mi Drone zulhphung thar 2021 a ser mi cu thanh a si cang i, cu zulhphung thar ahhin Drone cu fawi deuhin cawk khawh a si cang lai.

 

Zulhphung thar nih a tarlangh ningah unmanned aircraft system rit nak cu kg 300 in kg 500 san ter a si i, drone registration le license pek tikah security clearance lak a hau ti lai lo. Drone ngeih le cawk khawhnak dingah form 25 phit a hau mi zong 5 ah thumh a si.Chawlehnak caah hman ding a si lo ahcun a fa mi le a ngan mi (nano & micro) drone pilot license ngeih theng zong a hau ti lai lo.

 

Permission fee zong a tam bik (maximum) ah rupees sing 1 ah thumh a si. Amah belte cu mah nih hin zulhphung dangdang a buar mi hremnak a huap lai lo ti a si.

 

Drone certificate zong quality council of India cu nawlngeihnak pek a si i, director general cin nih quality council of India nih ruahnak a pek bantukin a pek khawh cang lai.Research le development caah hman ding drone fa mi hna cu certificate, unique identification number a si lo ah remote pilot license zong a hau ti lo.

 

Drone vialte cu digital sky platform hman in registration hi tuah dih ding a si. Drone thial le registration dih/dongh ter ning zong fawi deuhin tuah khawh dingin tuah a si i, atu India ram ah a um/hman lio mi hna cu hmankel in hman khawh dingin tuah khawh a si cang lai.

 

Digital Sky Platform ah a hring, aihre le a sen tiin hmun 3 ah airspace map tuah a si lai i, Yellow zone cu airport in kilometer 45 in 12 ah thumh a si. Green zone belte cu nawl lak theng a hau lo mi a si. Airport in km 8 in 12 kar chung pe 200 ah thlah khawh a si.

 

Drone hna an him khawhnak caah ‘no permission-no take-off, real-time tracking beacon, geo-fencing tibantuk hna cu nawlngeitu hna sinah theihter hmasa ta ding a si. Drone training le exam cu drone sianginn ah pom mi lawng nih an kalpi khawh lai.

 

Ramdang in cawk mi hna cu Directorate General of Foreign Trade tangah kalpi dih ding a si i, Drone hman in hriamnam, puak khawhmi le ralkap he a pehtlaihmi thilri hna bunh le hman cu khap a si.

Ref; insider

 

The Chin Post

Be the first to comment

Leave a Reply

Your email address will not be published.


*