Kaamine Ah Ralhrang Mawtaw An Kah

Kaamine Ah Ralhrang Mawtaw An Kah

Kachin ramkulh, Phakanh peng KaaMine gate pawng, August 11 zan ah Maupin ralhrang lutlai pakhat mawtaw an kah tiah kan theih. Maupin ralhrang lutlai ai cit mi mawtaw an kah i a rawk tiah a hmutu pakhat nih a chim.

An kah mi mawtaw cu NOAH meikhu muici a si i, kuan khen nak hmun tam ngai he a rawk tiah a chim chap.KaaMine khua ah mah bantuk thil a cang mi hi a voikhat nak a si tiah kan theih.

Ralhrang an um nak gate pawng ah Shanni gate a um ve, an kah mi hi khoika lei deuh in a si ti fian a si lo.Phakanh peng, KaaMine gate pawng, ralhrang le KIA kar kahdohnk a um lengmang tawn, August 2 zong ah KIA nih bomb an puah hnawh hna.

Ref:The74Media
===

Thawngdang
Gen. Saw Mu Toe Se Phoo: Rampi Uknak Lak Hnu Hremnak Le Thahnak A Dih Kho Rih

Kawlram, February 1 ralhrang nih uknak lak ruang ah, ram singning hnulei ah kir in, mipi hna hremnak le thahnak cu khuapi vialte ah a thang dih, a tu tiang a dih kho rih lo tiah KNU President Gen.Saw Mu Toe Se Phoo nih a chim.

August 12, A voi (71) nak Karen Martyrs Day caah KNU nih an kuat mi cathluan ah Gen Saw Mu Toe Se Phoo nih a kuat mi a si.Ram buaibai nak kong ah ton in ceihhmai duh nak a um hlan lo paoh cu, rampi ceihhmai nak i ruahchan ngam a si rih lai lo ti zong a chim chih.

Karen Amyotaa hna nih an i tinh mi le Karen Martyrs Day nih an i tinh mi an phak hlan lo lungrual tein kal ding in Gen. Saw Moe Toe Se Phoo nih cathluan in Karen mino cu a forh hna.

Karen hruai tu Saw Ba U Gyi le a hawi le cheu khat cu 1950 August 12, Karen ramkulh KawhKaRate peng ah thah an rak ton caah cu ni cu Karen Martyrs Day tiah an thok mi a si.

Ref:MizzimaNews
====

Thawngdang
PhaRuSu Khua Pawngah KA/KNDF Le Ralhrang An I Kap

Kayah ramkulh, PhaRuSu khua ah KA le KNDF fonh phu le ralhrang hna cu 2021, August 12, zing sml 10 hrawng ah kaphnih in an i kap tiah kan theih.

“PhaRuSu khua leng lei ah an i kap. A tu tiang an i kap rih ko i, khuami cu kan i thup, khuachung he khualeng he ralhrang tampi an um” tiah khuami pakhat nih a chim.

PhaRuSu in chuahnak ah kaphnih an i kap, ralhrang nih hriamngan in an puah hnawh hna caah khuami ai hliam mi zong an um pah tiah kan theih nain a si ning tak cu kan fiang rih lo. PhaRuSu peng chung, kahdoh nak ah ralhrang hna nih hriamngan in chun sml 12 tiang an puah thluahmah tiah kan theih.

Ref;TachileikNews
======

Thawngdang
KyautMae Khua, Covid Zawtnak In A Dam Cang Tiah Ruahmi, Ruah Lo Piin A Thi

Shan ramkulh, MyautMae khua ah Covid-19 zawtnak, thlop dih in, inn ah a rak lawi mi pakhat le inn an ai thlop mi pakhat, August 12 ah an nunnak a liam i, a thi mi 33 an phan cang.

KyautMae khu mi, kum 52 nu pakhat cu zawtnak lang lo in Covid-19 zawtnak rungrul, sizung ai piah hnu ah August 11 ah an hmuh. A mah lawng khuasa mi si caah inn a hong lawi mi si tiah kan theih. Cu hnu August 12 ah a inn ah a ruak in an hmuh i, palik le ngandamnak zohkhenhtu phu nih an phum colh tiah kan theih.

A luan cia zarh zong ah sizung ah Covid zawtnak ai thlop hnu in, a dam cang tiin inn ah a lawi mi pakhat cu ruah lo piin a thi tiah kan theih. KyautMae khua chung ah 2021 June 20 in August 12 tiang ah Covid zawtnak ai chonh mi 600 an phan i, sizung in a tum mi 300 an si tiah kan theih.

Ref;TachileikNews
====

Thawngdang
MaaKaaYan Ralzam Umnak Vawlei Minh Caah Inn Tampi A Hrawk

KIO tlaihmi MaKaaYan ralram um nak, August 12 zinglei ah ruah fak piin a sur i, vawlei a minh caah nu pakhat a nunnak a liam, inn 15 a rawk tiah kan theih. Kum 38 nu pakhat a thi i, inn 15 a rawk tiah ralzam sakhan rianngei tu pakhat nih a chim.

“Nu pakhat a thi cang, a dang kan zoh cuahmah rih, lak awk tha ti lo mi inn 5, a rawk mi inn 10, a dih lak inn 15 a rawk” tiah a chim.Hmun hma a him lo nak ah um mi ralzam hna cu a him nak hmun ah an i thial hna tiah a chim chap.

“Inn um nak a ngei lo mi cu Biakinn ah kan chiah chung hna, vawlei minh nak hrawng hrial in hmun dang ah kan thial chung hna ” tiah a chim.Ralzam sakhan ah cun minung 2000 reng lo an um i lock down chiha mi sakhan cu a si lo.MaKaaYan ralzam sakhan vawlei minh ruang ah pakhat bak tam a thi mi an um kho an ti nain fiang in an thei kho rih lo.A luan cia 2020 lio zong ah, vawlei minh ruang ah thil tampi a rawk mi a um bal cang.

Ref;The74Media
===

Thawngdang
Ral Tih In A Dormi Hna Vawlei Cim Nih Pahnih A Kal Pi Hna I An Thi

KIO/KIA nih an ukmi hmunhma, Laiza khua ah nizan ruah fak tuk in a sur caah tivatlang hna an cim caah ral tih in azam mi mipi pahnih tlang cim nih akal mi hna tiah khuami hna nih an chim.

“Ruah a sur tuk caah tilian a chuak i tiva kam inn hna ti nih a kal pi hna,  Cun mipi pahnih zong tlang cim nih a kal pi hna i pakhat cu kan lak khawh tiah” khuami pakhat nih a chim.Tilian harsat nak a tongmi hna hi ral tih in a zam mi sakhaan: Yinsit camp le Phonlonian camp an si.Cu camp pahnih cu kum chiar ti awk in tilian a chuak tawnnak a si tiah a chimchap.

Mah cu camp pahnih cu Laiza Munghlaningkah tiva in apin a tiava kam ah a ummi an si. Atu zong hi Munghlaingkhah hlei zong ti nih akalpi caah camp har tong hna zong va bawmhchan nak ding ah harnak a um tiah khuami pakhat nih a chim.

Photo-Simsa kasha
Ref: KNG
=====

Thawngdang
Pharuso Peng Kahdohnak Ah Rallokap 5 An Thi, 3 Hliam An pu

Kareni hmunhma, Pharuso peng Htekaludaw pawng ah ralkap thazang chap in a ra mi ralhrang hna cu KA/ KNDF fonh in August 12 zing sml 10:30 hranwg ah an kah hna i rallokap 5 an thi, 3 hlaimhma an pu tiah theih a si.

Hi kahnak hi minutes 5 a arau i ralhrang lei in a thi le hliamhma pu an um caah an zam hna i RPG pakhat le Sniper pakhat kan lak tiah KNDF sinin theih asi.Cu hnu ahcun Demoso- pharuso lamcung Kadala khuate pawng ah zing 11:00 hranwng  ah rallokap le Kareni hriamtlai an i tonh i kahnak a chuak.

Demoso ah hmunkhuar 102 battalion nih hriamngan in kahnak a chuah nak hmun hna cu an kah, pharuso peng hrawng ah hriam pawl hna an tlak, Thipawso khuami mi a tlak caah hliamhma apu i, zong kahdohnak zong ah mipi pakhat a kut hliam a pu tiah theih asi.

Ralhrang hna nih ralkap thazang an chap caah Demoso le pharuso hrawng ah kahdohnak a fah kho caah mipi hna nan humhimnnak ding ah ralrin tein nan um nakhnga KNDF nih ralrinnak a chuah.

Ref:KhitThitMedia
The Chin Now

Be the first to comment

Leave a Reply

Your email address will not be published.


*