Kanmai Tisa duhnak lamzin kan zawhnak ahcun rel ngam lomi,mi theih phanmi thuthup kan nei țheu by Lal Hre Luai

Tisa Duhnak Maw, Thlarau Duhnak?

Kanmai Tisa duhnak lamzin kan zawhnak ahcun rel ngam lomi,mi theih phanmi thuthup kan nei țheu.

Thlarau ih duhnak lamzin kan zawhnak ahcun thup thei lomi sunglamih lungawinak luangliam thathozet ih tettikhan ding kan nei țheu.

Tisa duhnak tuah cu tuah hlanah kan phurzet ih kan tuah țheh hnu ahcun ka ti pangpang..ka feh pangpang..tiin phuhrungawknak le sirawknakin kan khat sal țheu.

Thlarau duhnak tuah cu paih lo cing,phur lozet cingih kan tuah țențo a țul can a um țheu ih kan tuah ngah hnu ahcun ka rak ti lo pang kei.. ka rak feh lo pang kei.. ti hi kan lungawi tettikhannak a si țheu.

Tisa duhnak cu paisa a tingthawng cemin tuah rero khal awla, na di a riam thei cuang lo dingih Zianghmanlo a sizia na fiang sinsin sawn ding.

Nomnak ngaingai le nun diriamnak ngaingai cu tisa duhnak ah a um lo lellel. Thlarau duhnak a takih kan tuahnak sung lawngah a um a si.

“Minung sinak ih a ukmi pawl ih ton dingmi cu thihnak a si; Thlarau ukmi pawl ih co dingmi cu nunnak le daihnak a si.(Rom 8:6)

“Ka sim duhmi cu hitiin a si: Thlarau in nan nun zia a uk a si ahcun minung tisa hiarnak cu a di nan riamter lo pei”.(Gal 5:16)

Credit – Lal Hre Luai

Be the first to comment

Leave a Reply

Your email address will not be published.


*