Karenni Ramkulh Chung Mipi Hna Ralhrang Nih Thilchuh Le Thihphaih An Tong

Karenni Ramkulh Chung Mipi Hna Ralhrang Nih Thilchuh Le Thihphaih An Tong

Karenni ramkulh, hmun kip ah innhngak cozah nih ralhrang an thlah hna, mipi hna thilri chuh le thihphaih nak an tuah mi, mizapi nih theih ding in KNPP nih August 12 nithla he thanhca an chuah.

Ralhrang thil tuah mi nih, khua daidam nak, upadi le humhim nak a donhkhanh tu thil an tuah ruang ah khuami hna nunnak caah thinphan nak, khuachung rawltam tihal in um ding tiang a phan sual lai ti zong an phang ngai.

Khuachung mizapi bawmtu phu pin ah ramkip in le khuadang in bawmhnak an hmuh khawh nak caah an thanh.

Ref:KantarawaddyTimes
===

Kayah ramkulh, National Democratic Force Party Chairman U Han Thar cu mibu bu pakhat nih namte in an sawh i hmunril ah a thi colh tiah Loikaw bawmchantu phu nih chim.

People Media
==

Kani Khua Ah Ralhrang Nih Mipi An Vuak

Sagaing ramthen, Yinmapin peng Kani khua ah ralhrang an rak phan, mipi kum 40 pa pakhat cu an vuak tiah kan theih. “August 14 zing lei ah kum 40 tluk si mi pa pakhat cu ralhrang nih an vuak, a kut le a țaang ah vuaknak hma a pu tiah kan theih.

Khuachung cycle panga an lak i, inn pakhat air-con pakhat an hrawh ” tiah khuami sin in kan theih. Ralhrang hna cu 2000 hrawng an si, khua i caw pakhat an thah, an ei i a hlei mi cu an zuar tiah khuami pakhat sin in kan theih. Kani khua B.E.H.S Sianginn hna ah hmunhma an khuar tiah kan theih.

“Kani khua ah kahdohnak a um lengmang caah khuachung ah hmunhma an khuar” tiah a chim chap. Uknak lak hnu in a tu tiang, ralhrang le Sagaing ramthen hriamtlai hna kar ah kahdohnak le a dang thil 92 a um cang tiah kan theih. Kahdoh nak chung ah ralhrang lei in 202 an thi, mipi lei in 20 an thi tiah an thanh.

Ref: MizzimaNews
==

Kawlram Le Thai Ramri Ah Riithaisii Tlaih

Myanmar-Thailand ramri, MaeSaing 2021 August 13 zanlei sang ah rithaisii phurtu hna, Thailand palek le ralkap hna nih bur in an bawh hna, a phurtu cu an zam manh, hur sii sing 3 le Bag 30kg an tlaih tiah kan theih.

A tlaitu hna cu MaeSaing peng khuate pakhat, bur in an bawh hna lio ah mawtaw pakhat a ra mi an hmuh, zohfel ding in an dir ter hna lio ah an zam tiah kan theih. Mawtaw cu kham an timh nain, an kham khawh lo caah, a pawngkam inn pakhat chung ah an kawl hnuah, bag pali an hmuh tiah kan theih.

Bag chung ah cun hur sii tlang sing(3) le rithaisii 30kg an hmuh. MaeSaing palek sakhaan ah sual puh an si i, a pawng kam khua hna ah an kawl cuahmah lio hna a si tiah kan theih.

Ref:TachileikNews
The Chin Now

Be the first to comment

Leave a Reply

Your email address will not be published.


*