Kawlin peng Phalay khuami a thong leng an inn le lo kaltak in an zaam

Kawlin peng Phalay khuami a thong leng an inn le lo kaltak in an zaam

 

Sagaing ramthen,Kawlin peng Phalay khua chung ah August 24 ni thok in ralhrang hna nih meithal in an kah hna caah khuami a thong leng in an umnak hmun kaltak in an zaam tiah theih a si.

 

Phalay khuami pakhat nih ” Kan khua cu rallokap hna an ra i rau lo te ah kan khua pawng ah bomb voihnih an puah. A ho nih an puah ti cu kan thei lo.Thang taktak in kan theih tlawmpal ah kan khua chung ah meithal le hriamngan he an kah thluahmah i khua mi hna zong tihpah, laupah bu in kan zaam .

 

August 24 zinglei hrawng ah khan aa thok i, tuni August 25 tiang khua in an chuak rih lo. Khuami a hohmanh khua chungah kan lut ngam lo.Rawl a ei rih lo mi zong an um ” tiah a chim.

 

Phalay khua chungah rallokap minung 70 hrawng atu tiang hmunhma an lak caah Phalay khua inn (Chungkhar) 300 leng cu a himnak hmun ah an zaam.

 

August 24 zaanlei suimilam 6:00 hrawng ah Kawlin khua Palek sakhan cu min theihlo mi phu hna nih kut in chehmi bomb in an puah hna tiah Kawlin khuami pakhat nih a chim.

 

Runvennak lei Deputy Minister Daw Khin Ma Ma Myo cu Union Minister for Commerce ah an thial

 

Nihin August 25 ni ah an thanh mi thawngthanhnak chungah Pyidaungsu Hluttaw Representative Committee dirhmun in 2020 kum party kip democracy thimnak ah mipi nih democracy ningcang te in pek mi nawlngeihnak cu hmang in March 31 ah thawng an thanh mi federal democracy hngalh nak in rian thial in kan pek mi a si tiah an chim.

 

NUG cu April 16 ah khan dirh a si i caan kar lak lungrual nak cozah a si i cozah chung ah 2020 kum thimnak ah tei a hmu mi palai hna, tlangcung mi aiawh tu hna,uk nak hramhram a la tu rallokap duh lo nak a langhter tu hna an i tel.

 

Cozah phu chung ah hin Vuanci bu 15 in dirh a si.May 5 ni ahcun mipi veng tu ralkap zong kan dirh cang tiah an thanh.

 

Karen(Karenni )Ramkulh Palek An Dirhnak Kong KSCC Cathanh

 

Uknak hramhram in a latu rallokap dohnak ding ah CDM palek cozah riantuan minung 320 nih Karen( Karenni) ramkulh palek phu (Karenni Satate Police – KSP) cu kan dirh cang tiah KSCC nih nihin August 25 ah a thanh.

 

Myanmar Migrant Worker Hna Cu Thai Nih MoU In Auh Than A Timh

 

Thai cozah nih an ramchung riantuantu an i daihkhawh nak caah Kawlram telin Cambodia, Lao ram in migrant workers sing 4 cu Memorandum of Understanding (MoU) in au thanh a timh tiah Thai lobour ministry nih a thanh tiah Bangkok post nih a tial.

 

Thai cozah Department of Employment (DoE) nih hlathlainak a tuahnak ah May thla chungah Thai business operator hna nih Kawlram mi 256029, Cambodian 130,138 le Lao mi 38536 an herh i, a tam deuh cu agriculture, livestock, construction, hospitality le garden production ah an herh.

 

Ramchung riantuannak vialte tha tein a kal than khawhnak caah hawikom le pawngkam ram hna he MoU an rak ngeihcia bantukin riantuantu hna hi auh than an timh mi a si. A tu ah Thailand nih a ramchung riantuannak vialte kalpi than khawhnak dingah riantuantu sing 4 leng an herh tiah theih a si.

 

Thailand nih riantuantu hna auh than dingin a timhnak hi a sau cang nain, covid ruangah an duh ningin an kalpi khawh lo mi a si i, riantuantu sing 4 leng an herh mi chungah Kawlram in migrant worker sing 3 leng auh than a timh tiah theih a si.

 

Migrant worker hna an auh khawhnak dingah Thai cozah department of employment nih a herh mi covid zulh phung le riantuantu hna an ngandamnak zong tha tein chek an si lai tiah Bangkok post nih a tial.

 

 

The Chin Post

Be the first to comment

Leave a Reply

Your email address will not be published.


*