LADC CEM caah Pu V. Zirsanga thim a si

Lai Autonomous District Council CEM Pu Mang Hmung Cinzah cu No confidence motion in thumh a si hnuah nizan August 27 session ah Pannel of Chairman Pu VL Hmuaka nih Pu V. Zirsanga cu CEM caah cuhtu umlo in a tling tiah a phuan.

 

Theihcia bantukin LADC thutnak ah CEM Pu Mang Hmung Cinzah hruaimi MNF cozah cu MNF member 4 nih no confidence motion he hrawh a si hnuah Paithar constituency MDC Pu V. Zirsanga le Lawngtlai, Chanmary constituency in independent in a tling mi Dr. Lorrain Lalpeklian Cinzah hna pahnih nih CEM nomination hi an file mi a si.

 

Nizan session ah Pannel of Chairman Pu VL Hmuaka cu a tlai ruangah CEM in thumh cang mi Pu Mang Hmung Cinzah le member cheukhat nih House upat lo a si tiin zeimawzat an ceih hnuah MNF member 8 le CEM a cuh ve mi Dr. Lorrain Lalpeklian Cinzah telin independent member 2, Congress member 1 nih house an chuah tak hnuah Chairman Pu VL. Hmuaka nih Pu V. Zirsanga cu CEM caah cuhtu um lo in thim a si tiah a thanh.

 

CEM ah thim thar mi Pu V. Zirsanga nih LADC biaceihnak dik, mipi cozah a dirh khawhnak dingah a sikhawh chungin a zuam nak ah mipi, cozah riantuan vialte kan sawm hna. MNF legislature party hruaimi LADC cozah nih biatak ten kalpi a timh tiah a chim.

 

Pu V. Zirsanga hi kum 2005 in LADC election voi 4 chung Paithar constituency in MDC caah kum 16 chung a tling cang mi a si i, LADC cozah ah Chief Executive Member, Chairman le Executive member zong a rak tuan cang mi a si.

Ref; the lawngtlai post

Be the first to comment

Leave a Reply

Your email address will not be published.


*