Magwe Airbase Bomb Puahnak Ah Raltuknak Vanlawng 4 A rawk

Magwe Airbase Bomb Puahnak Ah Raltuknak Vanlawng 4 A rawk

Kan hnu August 8 ah Magwe ralhrangbu vanlawng ralkap sakhan bomb puahnak ah raltuknak vanlawng 6 a khen i, vanlawng 4 cu hman awk tlak lo in a rawk tiah min langhter a duh lo mi Magwe khuami pakhat nih RFA sin ah a chim.

Bomb hi Magwe Kanpia lam ah a um mi vanlawng ralkap sakhan hriamnam chiah nak hmun ah August 8 zinglei suimilam 4 hrawng ah voi 2 a puak mi a si.

Bomb a puah hnu August 10 ah ralhrangbu vanlawng ralkap bawizik Gen. Maung Maung Kyaw nih zohfelnak a rak ngei hnuah runvennak zong a hlan nak in an strict deuh ngai tiah theih a si.

Vanlawng a rawk mi kong he pehtlaih in ralhrangbu information deputy minister General Zaw Min Tun cu RFA nih phone kan call nain a tlai lo tiah RFA nih a tial
==

Thawngdang
Cozah Nih Cohlan Lo Mi Awngbali A Cawmi Hna Cu An Bank Khar Piak Khawh An Si

Cozah Nih Cohlan Lo Mi Awngbali A Cawmi Hna Cu An Bank Khar Piak Khawh An Si Ramchungah cozah nih a cohlan lo mi awngbali nan cawk a si ahcun bank phaisa tiang khar piak nak tiang thil a cang kho mi a si tiah ralhrangbu kuttang awngbali riantuannak director nih a chim.

Mah bia hi ralhrangbu media hna nih awngbali kong biahalnak ah a leh mi a si i, zei bu ti fiang tein a chim lo nain NUG nih Spring lottery hon a timh lio a si caah NUG a chimhnawh mi a si lai tiah ruah a si.

E-lottery ti mi online in cawk nak ah KBZ bank nih wave money, mobile payment, online payment le bank transfer vialte hi Central Bank nih a tlaih dih mi a si caah cozah theihpinak tel lo in tuahmi awngbali he pehtlaih in phaisa hluai le pek mi hna cu dantat nak a tuah khawh a si.

Tahchunnak ah an bank khar piak le an bank chung phaisa chuah khawh/cawl kho lo dingin rengh piak nam tuah khawh a si tiah awngbali director U Nyi Nyi Hlaing nih a chim.

Awngbali in phaisa a lut mi chungin 60% hi laksawng caah hman a si i, 40% cu ngunkhuai ah a lut mi a si caah ralhrangbu nih uknak a lak hnuah ralhrangbu sin ah phaisa a lut mi phih piak nak caah mi tampi nih awngbali cawk lo dingin an forh hna.

NUG, planning, finance le investment vuanci zung nih (အောင်လံလွှင့်ချီ နွေဦးထီ) cu August thla 15 ah hon dingin thanh a si i, awngbali a cawk mi hna himnak caah mah le bank account hman lo ding le signal, telegram number hna tial chih dingin ti a si.

Awngbali hi thla 1 voi 1 hon a si lai i, mahin hmuh mi 70% cu CDM bawmhnak caah hman a si lai i, 30% hi laksawng caah hman a si lai tiah theih a si.

Ref; bbc
The Chin Post

Be the first to comment

Leave a Reply

Your email address will not be published.


*