Malaysia Prime Minister Ah Ismail Sabri Yaakob Thim A Si

Malaysia Prime Minister Ah Ismail Sabri Yaakob Thim A Si

Malaysia Prime Minister Ah Ismail Sabri Yaakob Thim A Si Malaysia Coalition Government ah Prime minister a tuanlio mi Muhyiddin Yassin cu parliament ah member tam deuh nih an duh lo ruangah rian a phuah caah Ismail Sabri Yaakob cu kum 3 chung prime minister pathumnak si dingin thim a si.

Prime minister thimnak hi Malaysia siangpahrang Al-Sultan Abdullah nih August ni 20 ah an ram hruaitu lutlai hna he an i ruah hnuah deputy prime minister deputy prime minister cu prime minister ah an thim hna.

Ismail Sabri Yaakob hi Malaysia ram ah nawlngeihnak a sau bik mi United Malays National Organization (UMNO) party chungtel a si ruangah prime minister ah an thim mi a si tiah media cheukhat nih an ti.

UMNO party hi 1957 kum ah British kut in zalonnak an hmuh hnu in 2018 tiang Malaysia ram a rak uk mi party a si. Ismail Sabri Yaakob hi 2018 in an party vice president a si.

Corruption ruangah UMNA hi 2018 election ah a tla i, Malaysian United Indigenous Party in Muhyiddin Yassin cu coalition government prime minister ah thim a si.

Asinain, Malaysia cozah chungah i dohnak le i rem lo nak ruangah mi tam deuh nih an kaltak ruangah prime minister le cozah hruaitu cheukhat hna cu siangpahrang hnatlaknak he tu thla hramthawk ah an i phuak mi a si.

Ismail Sabri Yaakob hi 2004 ah khan a voikhatnak caah parliament member ah thim a si i, Youth and Sports minister, Domestic Trade minister, Agriculture minister, Rural Development minister le defence minister hna a rak tlai bal cang mi a si i, thaizing August 21 ah Malaysia prime minister pakua nak si dingin fehter a si lai.

Ref; jagranjosh

Thawngdang
Afghanistan Ralkap Nih Taliban Hmunhma Pathum An Lak Than Cang

Taliban ralhrang nih Afghanistan ram dihlak an lak hnu ni tlawmpal ah Afghan thlanglei i Taliban hmunhma pathum cu Afghanistan ralkap nih August 20, cawn ninga ni ah an lak than cang tiah theih a si. Hi an lak thanmi Taliban hmunhma hi Baghlan ramkulh chungah a ummi an si. Hi kong hi Taliban lei a simi Media cheukhat zong nih an tial len.

Hi hmunhma pathum lak thannak ah Afghanistan ralkap hruaitu Abdul Hamid nih a ralkap hna cu hmun dang zong lak dingin an chuak cang, a rauh hlanah Baghlan ramkulh dihlak kan lak than lai tiah an lak than cangmi hmunhma pakhat Andrab in video in thawngthanhnak a tuah.

An sunghmi hmunhma pathum lak than dingin Taliban ralkap zeimawt an kal cang tiah theih a si. Hi kongah Taliban chimnak nawlngeitu Zabihullah Mujahid nih zeihmanh chimthanhnak a ngei rih lo.

Ramdang ah a zammi President hlun Ashraf Ghani hruainak tangah Vice President-1 a simi Amrullah Saleh nih Taliban hna cu a chuahkehnak Panjshir ramkulh chungin a rauh hlanah ka chuah viar hna lai tiah a thanh hnu tlawmpal ah atu bantukin Afghanistan ralkap an cawlcangh thannak hi a si. President Ashraf Ghani ramdang ah a zam hnuah Afghan phunghrampi ningin innhngak cozah i president cu keimah hi ka si tiah Amrullah Saleh nih cun thanhnak a tuah. VOA

Be the first to comment

Leave a Reply

Your email address will not be published.


*