Meghalaya Peace Committee Ah Thangkhiew Tanhtu Hna An I Tel Duh Lo

Meghalaya Peace Committee Ah Thangkhiew Tanhtu Hna An I Tel Duh Lo

Meghalaya Peace Committee Ah Thangkhiew Tanhtu Hna An I Tel Duh Lo HNLC hruaitu hlun Cheristerfield Thangkhiew Meghalaya palek nih an thah ruangah Khasi miphun hna nih lungtlinglo nak an langhter hnuah Meghalaya cozah nih remdaihnak tuah dingin Peace Committee a dirh mi ah Thangkhiew a tanhtu hna an i tel an duh lo.

Peace committee hi remdaihnak le Thangkhiew thih ning hlathlai dingin deputy chief minister Tynsong hruainak tangah cozah le Thangkhiew tanhtu hna he dirh a si.

Thangkhiew tanhtu hna nih hi thahnak kongah a pehtlaihmi police officer pahnih hna an rian in phuah an si hlan chung cu peace committee ah kan i tel lai lo tiah an chim.

HNLC hruaitu hlun Thangkhiew hi August 13 ah a umnak inn Mawlai Massar vengah palek nih meithal in an kah mi a si i, a thihnak kongah palek nih an chimmi cu fake counter a si tiin mipi nih duhlonak an langhter ruangah Meghalaya cozah nih August 18 zing tiang curfew a tuah.

HNLC hruaitu hlun thih ning hlathlai ding Judicial inquiry ngei dingin Meghalaya Human Rights Commission (MHRC) chair person, Justice (Rtd) T. Vaiphei cu rian khinh a si.

Judicial inquiry hruaitu sin ah nawlngeihnak le zalonnak le hlathlainak nawl pek a si i, Thangkhiew thahnak ah a tel mi police officer pahnih suspend dingin nawlnak cu inquiry report ningin tawlrel a si lai tiah chief minister Conrad Sangma nih a chim.
Ref; NDTV

Thawngdang
Ni 200 Chungah Ralhrang Kut In 1007 Nunnak Liam

Ni 200 Chungah Ralhrang Kut In 1007 Nunnak Liam Ralhrang nih nawlngeihnak an lak (ni-200)chungah thah a tong mi minung 1007 tiang an phan

AAPP nih August 19, nitiang cathanh a langhter ning ah Kawlram chung ralhrang phu hna nih nawlngeihnak an lak (ni -200) chungah hramhram in thah a tong mi mipi (1007) tiang an phan tiah theih a si.

Tlaihkhih a tong mi dihlak hi (7355) tiang an phan i, thlah rih lo mi dihlak hi (5747) an si.Tlaihkhih ding in nawlchuah hnawh mi hna hi (1984) tiang an phan tiah AAPP nih an langhter.

Nawlngeihnak la tu ralhrang phu hna nih thah nawn ruang ah Yangon khuachung in nunnak liammi tambik an si i, Mon ramkulh chungah nunnak liammi 10 an um i, tlaihkhih a tong mi (400) leng an si tiah theih a si.
Thanlwin Times

Thawngdang
Covid Sii Dose 2 A Chun Cangmi 87,00 Leng Zawtnak An Ngei Than

Covid Sii Dose 2 a chun cangmi 87,00 leng nih Zawtnak An I chawn India ramah Covid vaccine dose 2 tiang a chun cang mi hna lakah minung 87000 leng nih zawtnak an I chawn than i, 46% cu Kerala state chungah a si.

Indian Council of Medical Research (ICMR) nih Chennai ah zohfelnak an ngeih i, Covid phundang delta variant cu vaccine a la cang mi le a la rih lo mi zong nih an I chawn kho.

Asinain, vaccine a la cang mi hna cu zawtnak an ngeih than zongah a fak tuk ti lo tiah an chim. Delhta variant hi covid zawtnak chawnh a fawi tuk mi a si i, India ramah second wave fak ngaiin an tuarnak a ruang pakhat ah ruah a si.

Kerala ah hin vaccine dose 1 nak a la cang mi chungin zawtnak a chawn mi 8,000 le dose 2 nak a la cang mi hna lakah mi 40,000 hrawng nih zawtnak an I chawn than tiah theih a si.

Kerala hi India ram ah covid-19 zawtnak an hmuh hmasa bik nak state a si. India ram ah covid ruangah a thi mi hi 433,049 an si i, ni fatin 1.94% an I chawn. Zawtnak in a dam mi rate hi August 19 tiangah 97.52% a si tiah vanglaini news nih a chim.
Ref; vanglaini

The Chin Post

Be the first to comment

Leave a Reply

Your email address will not be published.


*