NGAIHCHIA IN KAN BAWH KO AWK A SI LO

NGAIHCHIA IN KAN BAWH KO AWK A SI LO

 

Israel mi cu Ai khua ah an sungh tikah, Joshua nih, “Aize! Maw BAWIPA PATHIAN,” tiah, lungrawk le beidawng ngaiin BAWIPA cu a rak auh.

 

BAWIPA nih Joshua cu a chawnh i, ” Tho tuah, zeicahdah na bawh ko, na mi hna kha thianh hna,” a rak ti.

 

Nihin kan Miphun lakah, thla 7 chung lawngah, dawtmi PATHIAN rianțuantu minung 148 nih an kan dinhtak cang tikah, khuaruahhar lo awk a țha lo i, ruah lo awk le tuak lo awk a țha lo.

 

An sualpalh ruangah a si lo, an sualpalh ruangah a si ko, PATHIAN nih an caan a za a ti hna caah a si ko, satan khuachia nih rai a tlunter ruangah a si ko ti in rianțuantu hna kan hma hi kan i men i kan i hnemh men ding a si lo. Zeicahtiah luatlakin kan thlop hrimhrim a hau.

 

Rianțuantu hna, kanmah pumpak cio le BAWIPA karlak hi a fel hrimhrim a hau. Atu hnu zongah hin, rianțuan tu hna kan thi ti lai lo, kan thi ve lai lo, tiah, chimh khawh a si lo. Cucaah, zeidang zeidang nakin kanmah le BAWIPA kar hi fel ter hna usih. BAWIPA le kanmah kar a fel i, BAWIPA he kan i rem ko ahcun, kam dam ko lai. Kan zawt sual zongah kan dam țhan ko lai.

 

Khrihfa upa le church chairman tel loin thla 7 chung lawngah minung 148 nih an kan dinh taak cangmi hi a menmen a si lo. Khrihfa upa hna reel chih ahcun tampi nih an kan dinh tak cang.

 

Jeim 3:1 nih, “Kannih saya pawl hi hawi nak fak deuh in biaceihnak ka hmu lai,” a ti mi hi, Chinmi saya te kan cungah a tlin cuahmah caah, BAWIPA he remnak lam kawl cio usih.

 

Khrihfabu le minung hmuhnak ahcun, mitha le rianțuantu țha kan si ko lai, Sihmanhselaw pum le thlarau tiang a that kho tu, a rian kan țuanpiakmi BAWIPA nih na palh a kan ti nak hnga lo, BAWIPA le kanmah kar hi fel ter hna usih law, a Khrihfabu hna an ngaihchiatnak a hnem khotu le Thluachuahnak phurtu si ko hna usih. BAWIPA JESUH Vel cu nan cungah um ko seh. Amen.

 

Share chin te mu

 

Sal santlailo,

Tluang Lian (Martar)

Be the first to comment

Leave a Reply

Your email address will not be published.


*