Ngaihthiam halnak By Vapual Thawng

Ngaihthiam halnak…

Nu le va kar i buaibainak, i hngalhpiak lo caan an i mawh chiat caan ah , ka va remter khawh ve tawng hna, nu le va kar ah umtu, ziaza…fale cawnpiak ning tiang in…Pathian nih a fonh cangmi hna cu a hohmanh nih tthen hna hlahseh ti in Baibal ca chung ummi cu ka hei i laak ve tawn i…ka bia chim a hei tthat le ka hei thiam ning…

An fale a chimh khawh lomi zong ka hei cawnpiak hoi hna, nu le pa ttihzah le upat s tthat ning kong…mi chimchinmi tete le ka hmuh tonmi tete in…ka bia chim ka ruahah ka thiam bak kaa tii ngam bak ko…

An fale a thawh tlai tuk i an sik hna zong ah…eeee..sik ding an si lo, a nemnak tein chimh ding, a tu lio hoi hna cu ca zong an cawng lo inn leeng chuah khawh zong a si lo…an duh tiang it ko hna seh tian an fale cu ka hei chimh kanh tawn hna.

Thih le loh, vanchiat a ton caan i ka hnemh ning hna hrimhrim cu ka thiam khun cuh….zu le sa in i hnemh ding a si lo…Pathian Bia tu in i hnemh ding a si…na thawhka in Baibal reel, thlacam..na ngaihchiat caan paoh ah Amah Pathian kha i bochan, minung le zu le sa in i hneem hlah…ka hei ti hna, bia tthattha he ka hnemh thiam ning hna cu….Roca peek phu bak ka si kaa tii…

Mi thangchiat mualpho an ton caan ko ahkhin ta…an in tluk lo caah a si, mi dawh soikhat phur tiah kan pu pa nih an rak ti…tiah phungthluk bia a hngal phun cun ka chimh thiam tuk hna…an in soinak hi thazaang laaknak ah hman chinchin ding a si, aan cawmtu non ttha ah hman thiam i zuam….tlaangpàr i a dirmi thingkung sàng cu thli nih a cheem khun ti khi hngalh peng ding a hei ti hna…ka thiam bak ko…ka lung a hei sau khawh ning, khurkhua ka hei tuaktaan thiam ning hi cu ka mak kaa tii bak, fak lo “NAIN”
Khi vialte ka hun ton ve taktak ah cun…LIH chim, mihrokhrol, mi hmai i fiim cuh, miDEU ka si ning nih ka mual a ka phoh, nu le va kat zongah si seh, thih le loh taak kong ah siseh ka chim ningin a pelte tal cu chim lo a dikumnak in ka zulh mi , ka tuah khawhmi hrimhrim a um lo, an fale thawh tlai kong hna i ka va i ceih ngam kha cu ka HRUUUUUUH ning ka zo kaa langh, an inn chungkhor zeitindah an i cawnpiak tawn ti zong hngalh lo…ka ruah tthaan ahhin ka ningzah ka celh lo…innpa chakthlang hei phàwt awk le a ttha fawn lo ….fb i holh kong thiam hleng ttung lo i ka hei aukhuan ve mi khi khawzeimaw thiam hlei, holh le ca a daw khun bang…tlawnpal te an ka chimh hmanh ah meittil sat in ka saa, ti tlawh in a tlawk hoi….thaazaang laak naak cu chim hlah uh…thinhung, thin tawi ziachiat in kaa laa, zeikar lo ah “BLOCK” hmeh colh kaa fawih ning…
Mah fale cawnpiak thiam ttung lo i, mi fale cawnpiak ka hei thiam ning…
Nuva kong zongah dawtnak dawtnak tiah mi hei cawnpiak thiam ngaittung i innchung vial ah ….neemmaam….

Holh le ca ka tii, mi cu ka hei cawnpiak hna ai..ai ..ai……ka ningzah ka celh lo…mithiam sang, mizipi ttihzahmi le upatmk. Dr, Rev..Pastor..Evan pipi an um,keimah tu ka va i sawhkalh….kei raalzaam, ram 3 nak hman a phaan ve lo mi, Ui le Ar, caw le Vok hmanh nih passport le visa hau lo in an phanh khawhnak Mizoram i kuli aa lekmi te hna i ka hei aukhuan ve lengmang, ka hnulei in kutchu a ka tuh i an ka niih leeng lai mi ka ruah ah…ka ning a zak,..nan hmai hrim kaan khap hna lo…mi sin i ka chim ning in fale cungah ,mah inn chungkhor hmanh ah a tuah kho lo mi MIDEU ka sii kaa hngalh i….hihnu cu i suum tal ka cawn ve a hau cang…fb မင်းသား si ai cuh bang…nifatin ttial ve thai ve lengmang…ka palhnak a rak bawh i faaklak in chaih a ka duhmi zong a um ti hngal lo in….
….mideu ka si.?????.kaan nawl hna.
Cafangfonh hmanh ka zoh tthaan ngam ti lo..rel nolh hrim ka hngamh ti lo

Vapual Thawng

Be the first to comment

Leave a Reply

Your email address will not be published.


*