OnlyFans company nih nupa sualnak he aa pehtlai mi zuk le muicawl pawl an platform in an hlonh lai

OnlyFans company nih nupa sualnak he aa pehtlai mi zuk le muicawl pawl an platform in an hlonh lai

Social media platform pakhat a si mi OnlyFans company nih an platform cung ah nupa sualnak he aa pehtlai mi zuk le muicawl vialte cu aralai mi October thla thok in kham a si cang lai, tiah Company tuanvo ngeitu nih August 19 ah Reuters news sin ah a chim.

OnlyFans hi 2016 ah England ram ah an rak dirh mi a si i, a hmangtu tam deuh nih nupa sualnak he aa pehtlai mi thlahnak ah an hman mi social media a si.

Tuchun tiang ah OnlyFans platform a hmangtu minung nuai 130 tiang an phan. OnlyFans company nih hin Streaming platform thar a si mi OFTV ti mi a thar a tuah i, hi chung ah ngandamnak, rawl chumhchuannak he aa pehtlai mi, Capo le Hla tibantuk pawl thlah khawh a si lai, tiah an thanh.

Hi OnlyFans platform hi COVID-19 zawtnak nih vawleipi a den hnu ah online in mizapi a hip kho mi minthang hna nih an fans (thazaang petu) hna sin ah an thil tuah mi zuarnak ah an hman hna.

Mi cheukhat cu hi OnlyFans bak hi min deu in account an hman i nifatin an hman ding tangka le an ngunkhuai pek ding tangka kawlnak ah a hmang mi an um.

Vawlei pumpi huap in hlasak minthang a si mi Cardi B, Tyga le zukcawl thlaknak lei ah director a si mi Bella Throne te pawl hi OnlyFans account a hmang ve mi an si.

Source: Reuters, Bloomberg businessweek

Be the first to comment

Leave a Reply

Your email address will not be published.


*