Rakhine Ram Muslim Ralzaam Sing 1 Leng Eidin An Ngei Ti Lo

Rakhine Ram Muslim Ralzaam Sing 1 Leng Eidin An Ngei Ti Lo

Rakhine ram Muslim ralzaam riahbuk ah a um mi ralzaam 140,000 cu eidin an hmuh lo nak thla 3 a si cang tiah ralzaam hmun a zohkhenhtu hna nih an chim.

Hi ralzam hna hi WFP nih minung pakhat ah kyat 15000 in an bawmh tawnmi hna a si.Atu hi Ration an donlo nak thla 3 a si cang.WFP rianngeitu hna kan chawnh hna tikah cozah bank in phaisa kan chuah khawh lo ruangah kan in bawmh khawh hna lo mi a si tiin an kan leh tiah Tehkepin riahbuk tuanvo ngeitu pakhat nih a chim.

Covid ruangah lenglei riantuannak zong khap a si i, bawmhnak zong an pek khawh hna lo ruangah ralzaam hna harsatnak tampi an tong.

An phaisa hmuhnak le bawmhnak a um ti lo caah ni fatin riantuan in ei awk a kawl mi chungkhar 100 ah 90% hrawng nih harsatnak an ton i, 60% hrawng cu eidin an ngei ti lo tiah ralzaam bawmchanhtu pakhat nih a chim.

Atu bantukin phaisa le eidin he an ngeih ti lo ruangah cheukhat hna cu phaisa a ngeimi hna sin ah a karh in phaisa an cawi hna, mi sin ah kutdok jn a ei mi hna zong an um tiah Bawduba riahbuk ah a um mi ralzaam nu Daw Thidar Tun nih a chim.

Ralzaam bawmhnak an pek khawh hna lo nak kong he pehtlaihin WFP nih zeihmanh thawng an kan thanh mi zong a um lo. Rianrang in bawmh kan herh ko tiah ralzaam hna nih an nawl.

Sittwe peng IDP camp 11 ah a um mi ralzaam hna hi 2012 ah 124,644 an si nain a tu ahcun 140,000 hrawng an um lai tiah ralzaam a zohkhenhtu hna nih an chim.
Ref; bbc

Be the first to comment

Leave a Reply

Your email address will not be published.


*