Ralhraang Khanhmi Khuabawi Pawl Thah Lai Ttih Ah An Chung Le He An Zaam

Ralhraang Khanhmi Khuabawi Pawl Thah Lai Ttih Ah An Chung Le He An Zaam

Sagiang ramtthen, Myeong myone chungah Min Aung Hlaing le a ralhraang pawl dirpi tu khuate lei khuabawi hna cu thah lai an ttih tuk ruangah an cungkhar hna he an zaam, cheukhat cu thah lai an ttih ruangah chuahnak ca ttial in mipi lei ah a ttangmi hna zong an um.

Hi kong he pehtlai in khuate khuabawi hlun pakhat nih “ralhraang khanhmi khuabawi tam deuh cu thah lai an ttih ruangah an chungkhar he an zaam hna, an zaam awk cu si ko, nawl neihnak aa hruh pi vemi an si, mipi nih an duh lomi le an cohlaan lomi an paei Min Aung Hlaing an ttanpi tuk i thah zong an tong ko lai, cheukhat cu chuahnak ca a ttialmi an um, cheukhat cu an paei ttanh in khuabawi rian an ttuan ko rih” tiah a chim.

Myeong myone chungah hin ralhraang pawl nih an khanh hnami khuabawi chung in thah tongmi pa 4 an um cang, a tu bantuk in thah lai ttih ah a zaammi hna cu Kin timi khua, Nabet khua le Myeong khua chung in sanguk bawi hna an si.

Myeong myone chungah ralhraang khanhmi khuabawi pawl an thah hnanak a ruang cu mipi cungah titsa phoh in CRPH, NUG le PDF hna he pehtlaihnak an nei tiah ralhraang sin ah thawng pe in sangmi hna le khuami hna an tlaih ter hna ruangah si Dalaan thianh tu phu chungtel pakhat nih a chim.

Be the first to comment

Leave a Reply

Your email address will not be published.


*