Ralhrang phu nih Kayinni cu hmunthum in a doh

Ralhrang phu nih Kayinni cu hmunthum in a doh

Ralhrang phu nih Kayinni cu hmunthum in a doh ralhrang phu nih nihin August 14,zinglei ah Kayinni ram cu hmunthum in a tuk leng ah Phekhung peng chung um ralhrang phu hna nih hriamngan in an kah hna caah KNDF,PDF,KNA phu komh hna he kahdohnak a chuak.

Nihin zinglei suimilam 7:00 hrawng ah 336 phu in phu khat, Satdaw yatdawmu hmun in phu khat, Pinlawng peng Tawngmetin khua lei in phukhat ,hmunli in phuli nih an tuk tiah Kayinni mi vengtu phu KNDF nih an langhter.

Kayinni ram kahdohnak ah PNO cu ralhrang phu lei tang in dohnak ah an i tel tiah theih a si nain Rise news lei nih cukong he pehtlai in PNO sin fehter nak a um rih lo.

Nizan zaanlei zongah Kayinni ram Demawhsu nichuahlei Thipoekalu peng hrawng ah ralhrang phu hna nih an minung thazaang chap in kahdohnak a chuah caah Thipoekalu peng chung ah mipi thong renglo ralzaam dirhmun in an um tiah Demawhsu GenerationZ nih an langhter.

Nihin August 14 zinglei tiangah cu ka khua in mipi hna cu a humhimnak hmun ah an zaam, kahdohnak fak chin in a chuak kho mi a si caah a hlankanh in an zaam chung nak a si tiah an langhter.

Khitthitmedia
The Chin Post

Be the first to comment

Leave a Reply

Your email address will not be published.


*