Ralhrangbu Kut tuarin nunnak liammi 1000 Leng an si cang

Ralhrangbu Kut tuarin nunnak liammi 1000 Leng an si cang

Ralhrangbu Kut tuarin nunnak liammi 1000 Leng an si cang Ram pakhat runvennak lei bawizik a si mi Min Aung Hlaing nih mipi thim mi cozah kut in nawlngeihnak a lak hnu February 1 in August 18 tiang ralhrangbu kut tuarin nunnak a liam mi cu 1000 leng a kai cang.

Ramkhel thongtla hna bawmchanhtu phu AAPP nih record a tuah ningah ralhrang rallokap le a kuttang palek le ralhrangbu chungtel hriamtlai phu hna kut in nunnak a liam mi 1006 an si.

Sualphawt in an tlaihmi hna 5730 an si i, an tlaihmi hna lakah thong an thlak mi 255 an si. Thongtla mi chungah kumtlinglo mi ngakchia 2 telin minung 26 cu death penalty pek an si.

Ralhrangbu nih tlaih dingin an thanh ruangah a zaam mi (1984) an um.Mah hna chungin minung 39 cu thi dingin thanh mi an si caah ralhrangbu nih death penalty a pek mi hna hi 65 an si cang tiah AAPP nih a langhter.

AAPP nih cazin an khumh mi hi anmah nih an phak tawkin an tuah mi a si caah a taktak ah a thi mi hi hi nak in an tam deuh kho men lai tiah ruah a si.

AAPP nih August 18 ni ah a thanh mi cazin cungah ralhrangbu nih zeihmanh bialehnak an tuah rih lo nain ralhrangbu nihcun mah cazin hi an pawrh mi a si tiin a chim peng mi a si.

Atulio ah ramchung hmunkip tluk ah ralhrangbu le mipi ralkap kar kahdohnak a um ruangah himnak kawlin a zaam mi mipi tampi an um.

Khattalei ah covid-19 third wave ruangah mipi tampi nunnak a liam cang caah ram dangdang nih ramchung kahdohnak cu ngol ding le covid-19 runvennak rian tha deuhin kal pi dingin an nawl.

A msinain ralhrangbu nih tlangcung hriamtlai hna umnak lei ah thazaang a chap pin ah a kuttang hriamtlai phu hna zong biatak tein cawnpiaknak a pek tiah theih a si.

Ref; AAPP
The Chin Post

Be the first to comment

Leave a Reply

Your email address will not be published.


*