Ralhrangbu Nih Phungki Pawl Gate Cong Dingin An Ti Hna

Ralhrangbu Nih Phungki Pawl Gate Cong Dingin An Ti Hna

Ralhrangbu Nih Phungki Pawl Gate Cong Dingin An Ti Hna Ralhrangbu nih Phungki pawl cu Mandalay khuachung check-gate congh dingin an ti hna tiah theih a si.

Hi kong hi August ni 13 ah ralhrangbu hruaitu hna le Mandalay phungki phu pakhat- Sangha Mahar Nayaka (သံဃာ့မဟာနာယကအဖွဲ့) he an i tonnak ah hnatlaknak an ngeih mi a si.

Ralhrangbu hna nih Mandalay peng 5 chung, ralhrangbu check-gate pawl ah phungki 30 congh dingin an ti hna nain phungki phu lei nih gate pakhat ah phungki 3 congh dingin kan lung a tling tiah an chim.

Hi kong he pehtlaihin ‘ka theih bal mi le a um bal mi thil zong a si lo.Runvennak lei a si zongah ralkap le palek an um, ngandamnak lei an ti zongah sii riantuan hna an um.Atu bantukin phungki hna nih gate an congh lai ti mi hi cu a si kho lo mi a si.

Ralhrangbu nih hin kanmah phungki kar lawng si loin kanmah le mipi karlak ah i theihthiam lo nak le i rem lo nak dingah an tuah hramhram mi a si.

Gate congh le phungki cu zeihmanh pehtlaihnak a ngei lo.Meeting an tuah i biachahnak an tuah mi cu a si.Nain, kanmah nihcun kan duh lo mi le kan doh mi a si tiah Mandalay Masoyeing phungki inn in phungki pakhat nih a chim.

Ralhrangbu nih zeitin phun in conghter ding le zeibantuk caah an hman hna lai ti mi belte cu fiangfai in theih khawh a si rih tiah theih a si.
Ref; RFA
==

Thawngdang
Ralhrangbu Khah-Lah-Yah 58 Tatyinhmu Le Bawi Cheukhat Biaceih An Si

Kachin ramkulh Waimaw ah hrambunh mi ralhrangbu khah-lah-yah 58 tatyinhmu le rian ngeitu cheukhat hna cu northern command headquarters ah biaceih an si tiah ralhrangbu he a naih mi hna sin in theih a si.

Kan hnu July 29 zan suimilam 10 hrawngah ralhrangbu tatyin 58 sakhan cu KIA brigade 5 battalion no. 3 ralkap cheukhat nih an luhhnawh ruangah ralkap cheukhat an thih lengah an meithal zong a an lak piak hna tiah theih a si.

Hi kong he pehtlaih in tatyin 58 tatyinhmu le rianngeitu cheukhat hna cu Northern command headquarters ah an auh hna thazaang zong 100 leng an chap than tiah theih a si.

Hi bantuk hi ralhrangbu nih an tuah tawn mi a si i, a daithlang mi ralbawi le hruaitu hna cu ralkap biaceih zungah ralkap phung ningin an kong ceih tawn a si.

Nizan August 14 zinglei ah Myinkyina le Waimaw ah ralhrangbu nih meithal ngan le hmeithal hme he zun tampi an puah hnuah tatyin 58 hruaitu thar nih an sakhan pawng khuami hna cu khuachung i suimilam pakhat chungah chuah dih dingin ralrinnak a pek hna.

Pawngkam um mi khuami hna cu an chungle khat sin le hmunhimnak lei ah an zaam dih cang tiah DVB nih a tial.

DVB
The Chin Post

Be the first to comment

Leave a Reply

Your email address will not be published.


*