Shan ram thlanglei ah minung 700 hrawng Covid-19 checknak ah a cheu leng Covid positive an si

Shan ram thlanglei ah minung 700 hrawng Covid-19 checknak ah a cheu leng Covid positive an si

Shan ram thlanglei ah minung 700 hrawng Covid-19 checknak ah a cheu leng Covid positive an si Shan ramkulh thlanglei ah August 18 ni ah mipi 698 cu Covid-19 zawtnak check an si, cu an check mi hna chung in minung 438 sinin Covid zawtnak hmuh a si tiah Tawngkyi(တောင်ကြီး)public health laboratory nih an thanh.

Zawtnak a chawnh mi minung 438 cu Tawngkyi khuachung in hmuh a tambik i minung 294 an si ,Hoepung(ဟိုပုံး) peng in minung 62, Ngawngshwe(ညောင်ရွှေ) in minung 26, Yuangan(ရွာငံ) in minung 21,Pintayah(ပင်းတယ) in minung 17,Mohmae(မောက်မယ်) in minung 2, Pinlawng(ပင်လောင်း) in minung 6,Sitsantun sizung in minung 22 an si.

Shan ramkulh ah Covid-19 zawtnak a chawn mi cu nitin in an karh, ralhrang phu lei ngandamnak zung nih August 19 cathanh a chuah ning ah August 18 ni ramchung dihlak Covid-19 zawtnak hmuh thar mi cu minung 2878 an si i, cu chung ahcun Shan ramkulh in minung 828 an si, nunnak a liam mi hi minung 9 in ramchung ah a tambik an si tiah a langhter.

Cun a luancia August 17,15,14,12 le ni 11 ni ah khan Shan ramkulh cu Covid-19 zawtnak hmuh a tambik cazin ah a tel.
DVB

Relchap
Kawlram Dirhmun Cu A Tha Lo Ngai Tiin Vivian Balakrishnan Nih A Chim

Kawlram Dirhmun Cu A Tha Lo Ngai Tiin Vivian Balakrishnan Nih A Chim Kalram ramkhel buainak pin ah covid-19 zawtnak ruangah an dirhmun a tha lo ngai tiah Singapore foreign minister Vivian Balakrishnan nih a chim.

Atu tiang SAC ralhrang cawlcanghnak dinh an i tim rih lo, ramkhel kong he an tlaih mi hna zong an thlah rih hna lo. Buainak he a peltlaihmi hna kar ah chawnhbiaknak zong pakhat hmanh a um rih lo.

Chawlehnak zong a tumchuk lio pi a si, covid zawtnak phundang delta variant ruangah mipi harsatnak tampi an tawn lio a si tiah Balakrishnan nih reuter news agency ah nihin August 20 biahalnak ah a chim.

Kawlram buainak tawlrelnak dingin ASEAN palai Erywan Yusof cu Kawlram ah a kal khawhnak ding le buainak he a pehtlaihmi vialte hna he ton dingin a zuam cuahmah lio a si i, November thla ah tuah ding mi ASEAN summit hlan ah thanchonak pakhat tal a um lai ka zumh tiah Singapore ramdang vuanci nih a chim.

NUG kong he pehtlaih in Mr. Balakrishnan nih lam kan on peng ko. Khatalei ca awng ruat in kan tuahmi a si lo, mi vialte he pehtlaihbin kan tuah lai ti zong an theih ko.

Chawlehnak kharphih piak thawngin an i remh lai lo, mipi lawng an tuar-ing te lai.Ralhrangbu nihcun anmah te lawng um hi an duh deuhmi a si caah san a tlai tuk lai lo.

ASEAN in Kawlram chuah ding hi kan ruat bal lo. Ramdang kongah va thlak zong kan duh lo, nain ASEAN nih a si khawhnak lam kawl kan duhmi a si.

Singapore foreign minister nih mah biahalnak vialte hi US vice president Kamala Harris nih Vietnam le Singapore a tlawn lai ni 2 a duh ah a chim mi a si.

Ref; VOA
The Chin Post

Be the first to comment

Leave a Reply

Your email address will not be published.


*