Suiman A Kai Tak Tak, Fangkhat Tlai Ah Kyat 1700000 Bak A Phan

Suiman A Kai Tak Tak, Fangkhat Tlai Ah Kyat 1700000 Bak A Phan

Min Aung Hlaing te phu nih uknak an laak hnu in kam ram sipuaizi a rawk thluahmah, sipuaizi a rawh thluahmah bantuk in khat lei kan ram phaisa man zong a tla thluahmah be cang, kan ram phaisa man a tlaak thluahmah tik ah Sui man a kai thluahmah, tu ah Sui fangkhat tlai ah Kyat 1700000 bak a phan cang.

Ralhraang pawl nih uknak an rak laak hlaan ah khan USD fangkhat ah Kawlram phaisa in 1350 hrawng a rak si, tu ah cun USD fangkhat ah Myanmar Kyat 1700 a phan canga luan ciami August ni 10 tiang ah khan Sui fangkhat lai ah Kyat 1606000 a rak si nain ni 7 chung bak ah mah zat zat a hung kai mah cang.

Sui man a kai tuk nain sui caw tu an zor hlei ve lo, sui man a kai biknak a ruang cu Dollar thlen man a kai caah si, vawlei pi huap zong in sui man a kai, a caw tu hi a hlaan bantuk in a cuai in an caw ti lo, zei ruangah tiah Bank pawl an khaar tik ah mipi hna kut cungah phaisa a um lo, sui zuarnak dawr hna zongah a hlaan bantuk in sui cawmi an tam tuk ti lo tiah sui lei in sipuaizi tuah Chairman simi U Myo Myint nih a chim.

A ra laimi August ni 22 ah Bank an on khawh ah cun Sui man hi a tu nak cun a ttum deuh te lai tiah ruahchannak a um, Lainawng pa Min Aung Hlaing ruangah kan ram a rawh lawng si loin sipuai a tla, phaisa a niam, ram chung thil man an kai dih cang ko hih!

Credit – The Chin Post

Be the first to comment

Leave a Reply

Your email address will not be published.


*