Taliban Pawl He Pehtlaihnak Tha Neih Kan Duh Tiah Tuluk Nih A Chim

Taliban Pawl He Pehtlaihnak Tha Neih Kan Duh Tiah Tuluk Nih A Chim

Afghanistan ram vialte Taliban ralhraang phu nih an laak hnu le hi tluk in an buai lio ah Tuluk nih cun Taliban pawl he pehtlaihnak ttha neih kan duh tiah Tuluk Foreign Department lei in bia chimnak nawl nei tu simi Hua Chunguing nih a chim. Tuluk cozah nih cun Afghanistan ram mipi hna an zalonnak le mah tein nawl neih khawnak an neihmi hi kan upat tuk hna tiah an chim chap.

Cheukhat mifim pawl nih an chimnak ah cun US president ah Joe Biden a hung tlin hnu le Afghanistan ram in NATO ralkap pawl laak tthan a hun timh hna hnu khan Tuluk nih a thlithup in Taliban pawl a bawmh hna, tu bantuk in Taliban nih Afghanistan ram rang tak tak le fawi tak tak in an laak khawhnak zong hi an hnu lei in Tuluk nih a bawmh hna caah si tiah an chim.

A si nain cu kong he pehtlai in Tuluk nih zei hmanh lehnak a tuah hna lo, Tuluk cu vawlei cung zei ram he paoh a si ah an ram tthanak ding a tuak bal lo, a mah nih miram in zei bantuk sipuaizi miaknak dah ka hmuh lai ti lawng a ruatmi si, biana ah Min Aung Hlaing le a ralhraang phu pawl mah tluk tiang tiang in a dirkamhnak zong hi zei dang caah si loin a mah sipuaizi ca lawng bak ah si.

Afghanistan ram ah hi tluk in Taliban ralhraang pawl ruang i buainak a chuah lio ah an nih cu an zei a poi lem lo, cun Afghanistan ram khualipi Kabul khua ah Embassy zung chiah ti lo ding a tim tu hna ram zongah Russia le Tuluk cu a pakhatnak bak an si.

Be the first to comment

Leave a Reply

Your email address will not be published.


*