Kawl Ralhrang Uk Nak Aduh Lo Ruangah Ram Lak Ah Vanchiat Ngaiin Athi

Thawngpang Theih Nuam Lo: Kawl Ralhrang Uk Nak Aduh Lo Ruangah Ram Lak Ah Vanchiat Ngaiin Athi

Thawngpang Theih Nuam Lo: Kawl Ralhrang Uk Nak Aduh Lo Ruangah Ram Lak Ah Vanchiat Ngaiin Athi. Myanmar rampi zalennak ngah dingin mino ṭhaṭha hna nih an zuam lengmang hna.

Ramlak ah an um i nawlngeihnak latu ralkap hna an do. Rawlei ding tha zong an ngei lo. Ruahsur lakah khuasa i fikf le cangvat lakah nun an hmang hna.

Mandalay tlangval Ko Aung Myint Myat cu University of Computer Science, Cyber ​​Knight Team ah an hruaitu a si. Mino cathiam a si i.

Ralkap cozah a duh lo ruangah meithal kengin a doh hna. Kahdonak zong ah voi tampi a tel cang. Cuti cun ramlak i aum lio ah malaria in a dam lo.

Ramlak ah an thei dandan in an thlopbul nain August 20 zinglei nazi 3:40 ah a a zawtnak a tuar kho lo in a thi. Relchap – Yangon Laimi Bawmhnak Ting 80 Man Mindat Ralzaam Sin ah Tluang tein a Phan. Yangon ramtthen.

Shwepyithar ah a ummi Cornerstone Baptist Mission Myanmar nih Mindat ralzaam hna ca ah a voi 3nk ting 80 man bawmhnak cu Mindat ralzam hna sin ah tluang tein an phan.

SAC nawl onhnak in Mindat ah an kuat khawh i nihin ah Mindat peng chung ralzam camp ttuanvo ngeitu cio nih an vung hlam cang hna, tiah ttuanvo ngeitu pakhat nih a chim.

Atutan bawmhnak an kuatmi ah eidin, hnipuan le sii-ai pawl an i tel i, Yangon khuachung Laimi pumpak le Khrihabu cheukhat nih Mindat ralzaam pawl ca ah an hlutmi an si hna.

Thantlang-Hakha kar Kahdohnak ah SAC Ralhrang 5 Hrawng Thi August 20-21 ah a cangmi Thantlang-Hakha karlak CDF-Thantlang le SAC ralhrang kahdohnak ah SAC ralhrang 5 hrawng.

An thi, tiah CDF nih thawngpang an chuah. August 20 zaanlei hrawng in Thantlang he aa naihnak deuhnak hmun lei ah kahdohnak a chuak i August 21 zinglei zong ah pehzul in kahdohnak a um.

Atu ah cun SAC ralhrang tampi Thantlang khuachung ah an lut hna i, khuami nih lengchuah le umkal i ralrin ding in CDF nih ralrin peknak zong an tuah.

Be the first to comment

Leave a Reply

Your email address will not be published.


*