Thla Hnih Chungah Ralhrang Tamtak An Thi Tiah NUG Lei Runvennak Nih Thanh

Thla Hnih Chungah Ralhrang Tamtak An Thi Tiah NUG Lei Runvennak Nih Thanh

A luancia mi June 1 in July 31 thla hnih chungah kawlram pumpi huap in ralhrang lei in minung 1130 an thi tiah NUG runvennak lei zungnih a thanh ningin kan theih. Raltuk dohnak in a thimi, bomb puah hnawhnak in a thimi, an mah ralkap le ralkap i kahnak in a thimi le hliamhma a tuarmi hi 443 an si tiah theih asi.

Ralhrang asi mi hna cu tlangcung mi hriamtlai vialte hna he an i kah hlei ah pengkip in a dirmi PDF hna he zong faaktuk in an i kaap tamtuk an thi tiah theih si.

Sagaing ramthen le Mandalay ramthen ah hin voi tambik kahdohnak a chuak i Taningthari remthen ah hin kahdohnak a tlawmbik tiah a langhter. Atu bantukin an langhter mi cazin hi kawlram chung media 30 tluk nih an langhter mi he pehtlai in tuakmi le langhter mi le tialmi asi.

June le July thla hnih chungah kawlram chungin Covid-19 pulrai in a thimi an tambik caan asi ko nain, ralhrang lei in le palek lei in a thimi kong cu ralhrang lei nih zeihmanh an thanhmi a umlo tiah kan theih.

Ayeyarwaddy Times
====

Thawngdang
PDF-Kalay : Chin Ramkulh le Sagaing Ramthen Khuate Kahdohnak Ah Ralhrang Lei In 3 An Thi

Chin ramkulh le Sagaing ramthen, khuate ah nizan August-12 kahdohnak ah ralhrang lei in minung pathum an thi tiah PDF-Kalay nih a thanh.

Aug-11 lio zongah kalay peng Netchawng khua chungah mi an kawl i Panmonchaung khua zanlei ah ralkap le, Panmonchaung khua pawng Chaungkhua lei ah an i thial i PDF- Kalay nih zanlei sml 2:30 PM hrawngah an kah hna tiah PDF kalay nih a thanh.

Zaan sml-8 tianghrawng an i kahnak ah ralkap lei in minung 3 an thi i PDF lei in minung pakhat aa hliam mi an um tiah thawng kan theih.

Ralkap lei cu Natchaung khua ah an um rih caah kahdohnak zong a chuak kho mi asi rih caah Kalay-Gankaw kar a chuak lut mi motor paoh cu motor thlalang on i kal dingin mizapi an himnak caah PDF- Kalay lei nih thawngthanhnak an tuah.

Ayeyarwaddy Times
=====

Thawngdang
Kawlram Tangka Tlap Le Bank Phihkhar Nak Kongah Center Bank Nih Thanh

A tu lio, 200 ca tangkatlap phiat ding in an timtiah tiah thawngpang a um caah bank lutlai pakhat nih mah ti a chim nak a si.

” Tangka tlap phiat ding a um lo. Zei ban tuk tangka tlap hmanh kan phiat lai lo, phiat nak ding sullam zong um lo” tiah Myanmar bank vice president U Win Taw nih a chim.

Tu zarh chung ah, ralhrang nih zungkhar ni a thawn, bank zong khar a si, bank in Covid zawtnak ai chonh mi an tam caah bank khar ding in an timhtuah nak si.

Facebook cung ah Yoma bank khar ding le 200 tangka tlap phiat ding tiin thawngpang dik lo a chuak tiah kan theih.

Ayeyarwaddy Times
=====

Thawngdang
Tachileik Khua, Covid Zawtnak Ngeimi Pahnih An Zaam

August 13

Tachileik khua, August 13 siizung thing (Fever Clinic) ah zawtnak ngeih le ngeihlo zohfelnak ai tuahmi pahnih cu Covid-19 zawtnak an ngeih an i theih hnu in an zaam tiah kan theih.

A zaam mi pahnih cu Tachileik khuami an si, pakhat cu kum 21 Nay Lin Wai si i a dang pakhat cu kum 21 pa, pakhat a si tiah kan theih.

Zaanlei sml 3:00 tiang an kawl hna hnu ah pakhat cu ka rak kir than lai tiah phone a chawnh hna, a dang pakhat Nay Lin Wai tu cu an pehtlai kho rihlo tiah kan theih.

“Zawtnak hmuh hnu ah a zaam, ho poah kan rian tam cio, a zaam zing ah ai hlei mi um lo, zawtnak chonhlo dingin Covid-19 thlopnak center ah kan chiah ko hna, a zawtnak a zual lo ahcun ni 11 hnu ah kan lawiter than ko la” tiah rian ngeitu pakhat nih a chim.

Tachileik khua siizung thing ah Covid-19 zawtnak ah zohfelnak an i tuah hnu in Ambulance hngak lo i a zaam mi hi July 6 ah pakhat, July 29 ah pakhat,July 31 ah pakhat, August 11 ah pahnih, August 13 ah pahnih an si hna, July 31 ah a zam mi pakhat cu a hong kir than i center ah an chiah.

A zaam mi hna nih pehtlaihnak an rak tuah than lo ahcun upadi ning in tazacuai si lai tiah an thanh.

Tachileik News Agency
====

Thawngdang
Falam Mi Pakhat SAC Nih An Kah Mi Thil Sining

Chin ramkulh, Falam peng, PaMonChaung khuami U Joshua kum 27 ( fapa pathum ngei) cu August 12 ah ralhrang nih an tlaih i a lu ah meithal in an kah tiah kan theih.

Thil sining he pehtlai in khuami pakhat nih ” U Joshua hi a nupi he an i sik caah ChaungKhuah lei ah zuu a va ding. Mipi ralkap hna zong Commondo angki ai hruk mi an um tawn bang, SAC ralhrang hna cu mipi ralkap ah a rel sual hna i a va fuh hna lioah an tlaih mi a si. A pawng kam leikuang in mi pakhat nih a hmuh dih.

Ralhrang nih hri in tem an timh lio ah, duh lo in ai phetsawt caah voikhat an bengh, cu hnu ah ralhrang pakhat nih a hnu lei in a kah i, a kaa lei in kuan a chuak. Pu Joshua hi fapa pathum ngei mi si. A hniang cem cu thlathum lawng a si rih. Zan tlai tiang kahdohnak a um peng caah zinglei sml 10 hrawng lawng ah a ruak cu kan va lak i kan vui khawh. Pu Joshua an kah nak hmun cu ChaungKhuah khua lonh, Kalay-Gangaw lam PaMonChaung hlei lonh te ah a si” tiah a chim.

August 12 NatChaung kahdoh nak ah mipi ralkap pakhat hriampi ci peh nak in ai khawng. SAC lei in pathum an thi tiah Kalay-PDF nih an thanh.Tuchun August 13 chun hlan tiang kahdohnak a um rih lo tiah kan theih.

Zalen
=====

Thawngdang
Tilian Nih Kawlram Chung Thlaici Cinnak Hmun Ekah 70,000 Leng Ti Nih A Phum

Tukum fur a tlak ka in July thla dih tiang ruahpi sur le ti lian ruangah ramchung thlaici cinnak hmun Ekah 70,000 leng cu ti nih a phum tiah Kawlram cinthlak nak zung chungtuan U Myo Tint Tun nih a chim.

July thla chungah Ekah 70,000 leng cu ti nih a phum.A rawk bak mi hi Ekah 70 leng a si.Atu hi fur a dih rih lo caah tilian hi kan ton rih men lai.Riantuantu hna caah thlaici zong bawmh kan timh lio a si tiah a chim.

Tukum ah ramchungah fur thlaici Ekah nuai 16.5 kan cin.Abik in facang kan cin mi a si i, Ti nih a phum mi hi Kachin, Karen, Karenni, Mon, Shan ramkulh le Sagaing ramthen chung lei cheukhat an si.

Ti nih a phum ruangah a rawk mi lei facang hna cu ti a zor than tikah thlaici dang thlak khawh dingin cozah nih timhtuahnak a ngeih lio a si tiah Xinhua news nih a tial.

The Chin Post
====

Thawngdang
LCB nih COVID-19 mizaw nih herh mi sii-ai, Oxygen le Siibawi kong ah pehtlaih peng khawh kan si tiah thanh

Lai Chiat-that Bu Yangon (LCB-Ygn) nih mizaw nih din ding mi sii-ai, i chunh ding mi, oxygen, le siibawi kong ah suimilaam 24 chung pehtlaih peng khawh kan si, tiah LCB Secretary Pu Peng Hu nih a facebook cahmai ah a tanglei bantuk in a thanh.

Dawt mi Laimi phun Nu le Pa U le Nau hna…. Lai Chiat-that Bu min in nan kut Kan tleih hna, dam in nan um cio hna maw?

Tulio Kanton cuahmah mi covid 19 raipi zawtnak ruang ah, Kan dawt tuk mi hna minung tampi nih mual ankan Liam tak. Tantak mi chungkhar hna dihlak nan umnak hmun cio ah Bawipa Thiangthlarau tthawnnak tu nih inhnem hram ko hna seh.
Intuar khawhnak thazaang nan dihlak cung ah tlung hram ko seh.

A dam lo mi hna le a zawfak ii a kuah cuahmah mi hawidawt hna Bawipa nih damnak tlamtling in pee hram ko hna Seh.
Zawtnak Rai nih a phak lo ii a dam rih mi hawidawt hna damnak tlamtling he Bawipa nih nan umnak hmun cio ah, in kilveng zungzal ko hna seh tiah Lai Chiat-that Bu nih Thla Kan in cam piak hna.
Tulio Kan ton cuahmah mi harnak ruang ah bomh a herh mi Lai Miphun u le nau hna., Kan sin ah chawnhkhawh le pehtlaih khawh Kan si..Abik in Oxygen dur siseh, Oxygen he pehtlai in a herh mi thilri Folawmeter, oxymeter, le Covid zawnnak caah din mi sii ai, chunh mi sii injection pawl zong si seh, Dr he pehtleih herh mi zong nan um ah cun, Lai Chiat Bu ttuan vo ngei tu hna sin ah,
suimilam 24 Chung peihtleih khoh Kan si.

Ram chung ram leng Laimi phun a daw tu hna an thlacamnak le an thluachuah hmuh mi ankan hrawmhnak Thawng in Lai Chiat-that Bu nih oxygen 40L dur (220) zong ralring te in Kan ngeih cang, Kan Chairman hruai mi Chin land foundation lei in volunteer ai pee mi Mino( 30) Leeng ah a dangdang in mino tam pi LCB nih Kan ngeih hna caah Kan hna ah ngam.

Lai Chiat-that Bu cuu.. Lai miphun vialte nih Kan i ngeih mi le Kan i hrawmh mi phu pakhat a si bantuk in Thlacamnak he bawm cio ko hna usih tiah zangfak Kan nawl hna.

The Hakha Times
======

Thawngdang
Nihin August 13, Hakha COVID-19 check mi 34 an si i minung 3 sin lawng ah zawtnak hmuh a si.

Thantlang Covid-19 Thawngpang (Updates)

A voi (24) nak 13. 8. 2021 ni ah mithar 30 chek an si i, minung pakhat sin in Covid -19 zawt nak a thar in hmuh than a si .

Thantlang khua chung ah 13. 8. 2021 ni tiang ah Covid zawtnak Check midihlak 1243 an si cang . Thantlang ah Covid-19 zawtnak hmuh mi ,minung 213 an si cang .

Minung 7 nih nunnak a kan liam taak. Covid -19 Lunghrinh in a thi mi pakhat a si. Khuate ah covid in minung pakhat a thi ve.

Zawtnak hmuh cia mi 213 chungah
170 nih damnak an hmuh cang .

Credit : Pu Ram Khar
===

Thawngdang
Mogok Khua Sianginn Ah Bomb Puak, Palik Pathum Thi

Mandalay ramthen, Mogok khua  Aungchanthar sang um B.E.H.S (3)  sianginn chungah ralhrang hna nih hmunhma an khuar, cu sianginn chung ah cun bomb puahkehnak a chuak i palik 3 an tiah khuami sin in kan theih.  Cu bomb puahkehnak a chuah hi August 13 zanlei sml 5:00pm hrawng ah asi.

“Bomb puah thawng cu thang taktak kan theih, zoh cu kan zoh ngam lo, atu lio hi cu rallokap le palik pawl an cawlcang len ko, minung 3 an thi “tiah kan theih tiah khuami pakhat nih a chim.

Cu ka hrawng i ralhrang hmunkhuar hna nih cun Khuami hna inn ah lut in hlathlainak an tuah tiah theih asi.Mogok khua ah August 7 ah thonginn tla pek ding rawl bawm chungah bomb an chiah ruang ah a puah i Palik 3 hliamhma an pu i Pyi Oo Lwin sii-inn ah an kuat hna i an i tlop tiah theih a rak si.

Mizzima

Be the first to comment

Leave a Reply

Your email address will not be published.


*