Thlathum Chungah Mindat Ralzaam (30) Leng An Thi

Thlathum Chungah Mindat Ralzaam (30) Leng An Thi

Chin ramkulh Mindat peng chungah mipi veng tu ralkap (CDF-Mindat) le Min Aung Hlaing ralhraang hna kar ah a luan ciami May thla dongh lai in a chuakmi kah dohnak ruangah a zaammi hna chung in minung 30 leng thlathum chung ah an thi cang tiah ngaihchiatnak thawngpaang theih a si.

A luan ciami August ni 15 thok khan Mindat peng chungah ralhraang pawl le mipi vengtu ralkap hna kar ah kah dohnak a chuak tthan, Mindat khua nitlaak lei le thlanglei zawn ah ummi khuate 25 hrawng in khuami 1000 leng an zaam tthan. Tuan deuh ah a rak zaammi si hna seh tu ah a hung zaam chapmi hna caah emergency in sii le ai bawmhnak an herh tak tak.

“Kah dohnak hi hmunthum hrawng ah a chuak, meng 16 zawn hi a fah khun ruangah mah ka pawngah ummi khuami hna an dih lak in ramhlak ah an zaam, ruah khamtu (mu-ka) hmang in thlaam tete an sak hna i mah ti cun khua an sa, an herh bikmi cu sii le ai si ko, ruah zong hi cat lo bak in a sur, tuan ah an rak neihmi sii le ai zong a dih pah cang, tolbo le tlangrai zawtnak in a thimi an tam” tiah ralzaam hna sin ah bawmhnak petu pakhat nih a chim.

Tuan deuh i ralhraang le mipi vengtu ralkap an rak i kah lio ah khan Mindat khua chung ummi le khuate lei in a zaammi hna hi an dihlak ah minung 50000 leng an si, ralhraang le CDF kar ah zarhhnih chung hrawng kah daihnak tuah a si ah khan a kirmi cheukhat zong an um, Mindat khua chung cu ralhraang bak nih an uk i ralzaam hna sin ah sii le ai, ei le din ding bawmhnak petu pawl zong an tlaih hna.

Relchap
Mawlamyaing PDF Hruaitu Motor Accident Nak In A Nunnak Liam

Mon ramkulh, Mawlamyaing peng People’s Defense Force hruaitu simi Ko Paing cu tuni August ni 20, kum 2021 zanlei suimilam 4:00PM hrawngah khan Motor accident nak in mual a liam tiah Mawlamyaing PDF nih thawng an thanh.

Harnak tongtu PDF an ralkap hnacaah ei le din dingmi a va chanh hnanak ah motor accident nak a tong sual i an sakhan an phanh pi hnu ah a nunnak liam hi si. A thih lai te ah bia a caah taak hna bantuk in an mah biaknak phung in ruak vuinak le PDF min hmang in thanhca tu cu kan chuahlai lo, a tu bantuk in an chairman nih mual a liamtaak hna caah Ko New Oo timi nih PDF cu a hruai cang hna lai.

The 24seven

Be the first to comment

Leave a Reply

Your email address will not be published.


*