U Kyaw Moe Tun thah dingin a tawlreltu U A.K

U Kyaw Moe Tun thah dingin a tawlreltu U A.K Kawlram UN palai U Kyaw Moe Tun thah dingin timhtuahnak he pehtlaihin tlaihmi hna hnulei in a tawlreltu cu hotel and construction businessman U Aye Ko a si tiah Mizzima nih a chim.

 

AK tiah mi tampi nih an theih mi chawlettu U Aye Ko nih Ye Heih Zaw sin in Phyo Hein Htut sin ah US dollar 4000 pek in a fialmi a si tiah theih a si i,Ye Hein Zaw le Phyo Hein Htut hna pahnih hi FBI niih an tlaih cang hna tiah New York thlanglei Public Prosecutor’s Office nih August 6 ah khan a thanh.

 

Kum 60 mi U Aye Ko le Ye Hein Zaw pa U Aye Thein hi hawitha an si i, U Aye Thein hi special investigation department, lower Myanmar director hlun pakhat a si. FBI nih Ye Hein Zaw an tlaih hnuah U Aye Ko nih Ye Hein Zaw chungkhar hna cu tuanvo kan lak lai tiah a ti nain pehtlaih khawh a si ti lo tiah theih a si.

 

U Aye Ko nih Phyo Hein Htut he hnatlaknak an ngeih hnuah July 22 le 23 ah dollar 4000 hi voi 2 in a kuat mi a si. An i timh ningin a tuah khawh hnuah dollar 1000 kuat chap dingin hnatlaknak an ngei tiah FBI report nih a langhter.

 

U Aye Ko hi 1995 kum ah dirh mi AK Construction and Industry Company Limited ah Managing Director a si i, Mizzima nih company sin ah biahalnak ah Bangkok ah a um i, company he pehtlaihnak a ngei ti lo nak thla 1 hrawng a si cang tiah Mizzima nih a chim.

Ref; Mizzima TV

 

 

Be the first to comment

Leave a Reply

Your email address will not be published.


*