Wah Ram Ah A Thli In A Lut Mi Hna Sinin Covid Zawtnak Hmuh A Si Ahcun Thah An Si Lai

Wah Ram Ah A Thli In A Lut Mi Hna Sinin Covid Zawtnak Hmuh A Si Ahcun Thah An Si Lai

Wah Ram Ah A Thli In A Lut Mi Hna Sinin Covid Zawtnak Hmuh A Si Ahcun Thah An Si Lai Covid-19 runvennak kong he pehtlaih in Wah autonomous region chungah phungning lo in a lut mi le an luh khawhnak dingah a bawm mi hna cu Death penalty tiang hremnak pek an si lai tiah cathanh an chuah.

Cathanh nih a langhter ningah Wah ramchungah a thlithup in a lut mi hna le an luh khawhnak dingah a bawmtu hna kan theih hna ahcun kum 4 in 5 tiang thongthlak an si lai.

A thliin a lut mi hna sin in covid zawtnak hmuh an si ahcun kum 20 in 30 thongthlak an si lai lengah amah tein a dam tiang a zohkhenh ding a si i,a dam hnuah thah a si lai ti a si.

Hi cathanh kong he pehtlaih in a dik mi a si. Wah TV nih a thanh mi a si tiah Lashio ah a um mi UWSA pehtlaihnak zung tuanvo ngeitu U Nyi Yang nih a chim.

Wah ramchungah covid-19 runvennak kong he pehtlaih in zulhphung zong khau ngai chuah a rak si i, atu an chuah mi nawlbia hi a khaubik mi a si tiah theih a si.

U Nyi Yang nih tuanah cun lainawn, rithai sii a zuar mi hna lawng death penalty hi pek an si tawn nain covid zawtnak kong hi biatak tein ven khawhnak dingah atu bantukin order kan chuah mi a si tiah a chim.

2008 phunghrampi ningin Hopan, Minemaw, Panwai, Nanphan, Metman khuapi hna cu Wah Autonomous region ah chiah a si i, mah hmun hna hi UWSA nih an a uk mi a si.

Ref; TRN
The Chin Post

Be the first to comment

Leave a Reply

Your email address will not be published.


*