Yangon 44 Lam Ah Ralhraang Kahnak In Thi Tiah Thawng Thangmi Maung Kaung Min Thant Himnak Hmun A Phan Cang  

Yangon 44 Lam Ah Ralhraang Kahnak In Thi Tiah Thawng Thangmi Maung Kaung Min Thant Himnak Hmun A Phan Cang  

A luan ciami August ni 10, kum 2021 ah Yangon ramtthen, Botataung myone, 44 lam ah ralhraang pawl nih meithal an kahnak in a thi tiah a rak thangmi Maung Kaung Min Thant cu thihnak tong loin tu hi a nun himnak hmun a phan cang tiah a mah Maung Kaung Min Thant nih DVB ah a chim.

Mah ni ah hin minung pa 6 an thi i Maung Kuang Min Thant hi ralhraang nih an kahnak in a thi, a dang pa 5 hna hi cu inn cung in an zuannak in an thi, minung pa 2 an nung buin an tlaih hna tiah thawngpaang a rak chuak. Hi kong he pehtlai in Min Aung Hlaing te phu nih an thawngzamhnak simi MRTV le MWD in thang an thanhmi pawl hi a dik lomi si tiah Maung Kaung Min Thant nih cun a chim.

A thimi hna lak ah hin rithaisii a hmangmi an um tiah tlai a tongmi hna nih an chim tiah Min Aung Hlaing te phu nih thawngpaang an zamhmi kong hi a dik lomi si, a ho hmah rithaisii hmangmi an um lo, ralhraang pawl tu nih mipi nih phundang in an ruahnak ding caah tiah thawngpaang an thanhmi si, an thawngpaang thanhmi ah hin palhnak le a dik lomi tampi um tiah Maung Kaung Min Thant nih cun a chim chap rih.

Ralhraang lei nih cun 44 lam thil cangmi ah hin pahnih an thi, pathum hliahma an pu, cun a dang pathum tlaih an si tiah thawng an thanh, cun mino pawl an umnak inn chungah hin kut in cheh khawhmi bomb 16, zen pa hnih, bawmkhat ah 50 ummi phang phang thuk hnih le a dang thilri pawl kan hmuh tiah ralhraang nih thawng an thanh nain a dik le dik lo tu cu DVB nih fehternak an tuah kho rih lo.

Be the first to comment

Leave a Reply

Your email address will not be published.


*