Yangon Global Treasure Bank In Tangka Sing 1000 Leng Fir A Si

Yangon Global Treasure Bank In Tangka Sing 1000 Leng Fir A Si Nihin August 30 suimilam 11 hrawngah Yangon, Mayarkung No. 1 sang Tamaing myohawng No. 8 lam ah a ummi Global Treasure Bank (ကမ္ဘာ့ရတနာဘဏ်) cu hriamtlai minung 4 nih an luhhnawh tiah theih a si.

 

Mah hriamtlai minung 4 hna hi Mark-II mawtaw he an rak ra i, bank chungah an luh hnuah bank riantuan hna cu meithal in an thih i kyat sing 1000 leng an lak hnuah an tli colh tiah theih a si.

 

Hi kong he pehtlaihin pawngkam um mi pakhat nih ‘thil a si taktak mi a si ko, atu hi palek le ralhrang hna nih an zohfel, an hlathlai lio pi a si’ tiah a chim.

 

Global Treasure bank hi a hlan Livestock and Fisheries ministry tang a um mi bank pakhat a si i, a hnuah Global Treasure Bank tiin a min an thlen mi a si.

 

Kum 25 hrawng a upa cang mi bank pakhat a si. A tu hi ramchungah branch 163, branch fa mi 9, a dihlak branch 172 a ngei.

 

Kan hnu July 15 zongah Yangon, South Okla palek sakhan pawngah a um mi Global Treasure bank pakhat cu minung 3 nih an luthnawh i kyat sing 100 leng an lak tiah theih a si.

Ref; Irrawaddy

Be the first to comment

Leave a Reply

Your email address will not be published.


*