Zeihidah Pathian bia i fian kan timi cu a si?

Zeihidah Pathian bia i fian kan timi cu a si?

1. Jahovah Pathian nih cun, “Lawkih biaknak i kal awkah le dum thiang timi ah a run in kal awk caah aa thianh i voksa le zusa le rawl fihnung a dangdang a eimi hna an donghnak ding cu a nai cang,” tiah a ti. ( Isaiah 66 : 17 )..

2. Thiang Thlarau nih cun, “Sa zuarnak i an zuarmi cu zeipaoh va ei ko, na chiaṭha thleidannak ruangah bia bel zeihmanh va hal hna hlah. Zeicahtiah Cathiang zong nih pei, ‘Vawlei le a cung i a ummi thil vialte cu Bawipa ta an si,’ a ti cu,” tiah a ti. ( 1Korin 10 : 25 – 26 )..

🙏 Jahovah Pathian nih le voksa le zusa ei lo dingin a chim. Asinain Thiang Thlarau nih cun sa zuarnak i an zuarmi cu zeipaoh va ei ko tiah a ti fawn. Voksa le zusa hi sa zuarnak dawr ahcun an zuar kun maw? Zuar ee, an zuar caah khan kan cawn ve lai i kan ei fawn ko lai. Ti le rawl kongah kan duhmi vialte kan ei khawh dih. Zeicatiah cun Pathian caah hin Satan dah ti lo cu a thiang lomi zeihmanh a um ti loh. Cu bantukin lamkaltu Paul nih cun, “Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna,” tiah a ti. ( Kolose 1 : 20 )..

🙏 Dawtmi u le nau hna hika zawnah hin Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna tiah a ti ko caah hin vawlei i a ummi thil vialte ah cun vok le nunnak a ngeimi zu zong cu an i tal ko hnga lo maw? Tal ee, Cucaah cun Pathian bia i fian kan timi cu Pathian Fapa vailam chung i a thihnak thawngin hin minung lawng si lo in Satan dah ti lo cu vawlei chung a ummi thil vialte hi a thiang lomi zeihmamh an um ti loh. Na ei khawh dihmi a si. Zawtnak hna a ngeimi na rak si i na ei khawh lo a si ahcun phun dang muh. Cu bantukin sa zuarnak ah an zuarmi ei khawhnak ding caah tiin damnak le ka thawnnak te hna an petu Jahovah Pathian cungtu ah hin i lawm deuh zungzal ko u sih..

🙏 Thlarau leiin cun Khrihfa ( Christian ) na si cang i cu na sinak thawngin cun Minung na si ve rih caah Laimi phun na sinak kha philh hlah. Judah miphum nun cawng hmanh law na caah pakpalawng a si ko. Si na duh lo zong na si kho hlei lai loh. Asinain Khrih zumhnak thawngin Khrihfa ( Christian ) kan sinak ahcun miphun thleiden um lo tein Thlarau in Khrih ah pumkhat kan si dih. Dawtmi u le nau hna Jesuh thawngin kan Pathian le kan Pa a simi Jahovah nih a duhmi a Fapa Jesuh Khrih kan zumh taktak ko a si ahcun vawlei hi kan caah a thlam in vanram a si ko ee. Nitin, zantin in ei le din kongah hin kan caah a buaimi a um loh. Cucaah cun Pathian bia nai fianmi hi Jahovah Nawlbia lawng si hlah seh. Zeicatiah Nawlbia in mi luat kan si cang. ( Galiti 4 : 5 )..

NOTE : Muslim pathian Alah bantukin kan Pathian le kan Pa a simi Jahovah hin hin a Fapa Jesuh Khrih a zum taktakmi hna kan caah hin cun a dawtnak zong kha a lianhngan tuk caah cucu ei hlah. Khakha ei hlah tiah a kan titi lo ee. Sa zuarnak ah an zuarmi sa paohpaoh cu ei kho dingmi a Thiang Thlarau in fim zong kha a kan chimh ve cang ee. Careltu nan dihlak cungah Fimchimtu Thiang Thlarau nih hngalhfiannak in pe ve ko seh..

Thank You For All;
Johnly Fambawl

Be the first to comment

Leave a Reply

Your email address will not be published.


*