ZUMTU A KAL CANGMI HNA PUM 

ZUMTU A KAL CANGMI HNA PUM

 

1 Korin 15:43-44

Vui a si tikah a mui a chia mi le a der mi a si, thawhter a si tikah aa dawh mi le a țhawngmi a si lai. Vui tikah vawlei pum a si, thawh ter tikah thlarau pum a si lai.

 

2 Korin 5:1

Kannih kan umnak thlam, vawlei cung kan pum hi, țheh a si tikah, vancung ahkhin kan umnak ding caah PATHIAN nih inn a kan pek lai ti kha kan hngalh— cu inn cu Amah PATHIAN nih a sakmi inn, zungzal hmun dingmi inn cu a si.

 

2 Korin 5:3

Cu inn in thuamh kan si tikah pum lo in kan um lai lo.

 

Hika i pum a timi hi thlarau pum a si i, a thi kho ti lomi, a rawk kho ti lomi, van pum thlarau pum cu a si. Nihin, zumtu unau a thi i taksa pum i kan țhenmi vialte hna hi thlarau pum, van pum in vancungmi bantukin zungzal in an nung cang.

 

Kan nih a nung rihmi tu hi, 2 Korin 5:2 “atu cu hi kan pum hin kan hrum kan lengmang i vancung i a ummi kan inn cu kan cungah hin run kan khuh hna seh ti cu kan duh hringhran,” a ti bang, kan hrum lengmang ko hi teh. Annih, taksa pum i kan țhen cangmi hna cu vanpum, thlarau pumin an nun cang caah, an thi kho ve ti lo.

 

 

Martar Tluanglian

Be the first to comment

Leave a Reply

Your email address will not be published.


*